Hello friends, Aaj ke samay me computer hamari zindgi ka aham hissa ban chuka hai. Kyunki aaj ke samay me har ek kaam kahi na kahi computer se juda hua hai. Phir baat chahe Medical Science ki ho, Space Exploration ki ho, Research ki ho ya phir Advanced Technology ki, har jagah computer ka use hota hai. To isliye is post me aap janne wale hai ki Quantum Computer Kya Hai, Quantum computer kaise kaam karte hai? 

What is Quantum Computer, Quantum Computer Kya Hai, Quantum Computer, Future Computer, computer, computers, quantum computer axplain
What is Quantum Computer | Quantum Computer Kya Hai - Full info In Hindi 2019


Quantum Computer Kya Hai?

Pichle kuch samay se computers me kafi jyada changes dekhne ko mile hai. Or aaj ke computers shuruati computers ke mukabale kafi chote or fast ho gaye hai, jinse jatil se jatil calculations karna aasan ho gaya hai. Aaj kal ke Super Computer se kai jatil mathematics calculations karne me sirf kuch minute hi lagte hai.

Phir bhi aajkal ke Computers kayi mayano me perfect nahi hai. Inki kuch common limitations hoti hai. Jaise inki Speed, Storage Limit and Power Consumption(bijli khapat) ki problem etc. Ye computers badi badi jatil mathematical calculations karne me kafi jyada time laga dete hai. Isliye ab hame yese computers ki jarurat hai jo har ek field me aajkal ke computers ki tulna me behtar ho.

Normal computers ki limitations ke karan hone wali problem se chutkara pane ke liye Quantum Computers ki jaroorat ke bare me sabse pahle Richard Finman namak scientist ne 1981 me apna tathya prastut kiya. 

Isliye Google, IBM, Intel jaisi Companies Quantum Physics ka istemal karke ese computers banane me lagi hui hai jinhe hum bhavishya ke computer ya Quantum Computer kah sakte hai. in companies ne apni Lab me in computers ke kuch model banakar test bhi kar liye hai. Or ab ye companies inhe poori tarah se banakar market me lane ki tayarriya kar rahi hai.


Isprakar agar ye Quantum Computers successfully market me aa jaye to ye computers aajkal ke sabhi Classic Computers ko poori tarah se hata kar unki jagah le sakte hai. Quantum Computers bhavishya ke computer hai. Aaj ke Super Computers bhi utni speed se kaam nahi kar payange jitni speed se ye computers kaam karenge. Quantum Computers aaj ke sabhi classic computers se 10 karor guna jyada fast honge.

Quantum Computers kaise kaam karte hai?

Quantum Computer ko janne se pahle hum aaj ke samay ke Classic Computer ko jan lete hai!!
Hum sabhi jante hai ki Classic Computer(Normal Computer) me three parts hote hai- Input Devices, Output Devices and Processors. Input Devices me Keyboard, Mouse, Touch Screen adi aa jate hai. or Output Devices me Display Monitor, Printer, Speaker adi aate hai.

Ab hum baat karte hai third part yani Processor ki jisko hum System Unit bhi kahte hai jo Computer ka brain mana jata hai. Processor computer ka sabse main part hota hai. Computer par hum jo bhi calculation karte hai voh Processor dwara hi ki jati hai. Processor ko hum Circuit Chip bhi kahte hai. Iska size 1 inch se 2 inch tak ho sakta hai. Humare computer or mobile me ek se jyada Circuit lage hote hai.

Circuit Chip ke under Basik Modules hote hai or ye Module kai chote – chote Logic Gates me bate hote hai. Or ye Logic Gates kai chote – chote Transisters se milkar bante hai. Example ke liye End Gate 2 Transisters se milkar banta hai. Humare Computer ke under Karodo Transisters hote hai.

Transister ek switch ki tarah kaam karta hai jo information ko jane deta hai or rokta bhi hai. Iska matlab ye Transister information ke liye ON ka bhi kaam karte hai or OFF ka bhi kaam karte hai. Or ye information Bits ke roop me hoti hai jo ki 0 ya 1 ho sakti hai jo ki Binary Digit kahlati hai. Yaha 0 ka matlab OFF se hai or 1 ka matlab ON se hai.

Classic Computer ek samay me Data ki value ya to ON show karega ya OFF show karega.  Isliye Classic Computer ek samay me ek hi signal deta hai. Isliye ye Computer ek samay me ek hi Task Complete karte hai.

Jaisa ki hum jante hai ki Computer, Words ya Numbers ko nahi samajh pata hai. Vo to in Words ya Number ko 0 and 1 ke format me hi samajh pata hai. 
For Examlpe:- Agar hum apne computer ke keyboard se 2 dabate hai to computer ise Binary Digit me 01 Bits ke roop me samjhega. Or isi tarah hum 3 dabate hai to computer ise 11 Bits ke roop me samjhega.

Ayiye ab hum ise thoda behtar tarike se samajhte hai!! 
Classic Computer me Data ya to 0 ke format me hoga ya phir 1 ke format me. Agar hum ek Bit ki sambhawana ko dekhe to isme 1 Bit me 4 alag – alag variable ho sakte hai. jaise ki-
Ya to – 0 0,  Ya – 1 0,  Ya – 0 1, Ya pfir – 1 1 honge
Ye 4 possible data ho sakte hai. Isi Bit ke combination se Computer ka Processor kisi bhi task ko complete karta hai.

Ab baat karte hai Quantum Computers ki!!
Quantum Computer me bhi Data 0 or 1 ke format me hi hota hai lekin isme har ek Bit 2 property show karti hai. Quantum Computer me BITS ki jagah QUBITS ka use kiya jata hai. 1 QUBIT 0 and 1 ki value ko ek saath show karti hai kyunki QUBITS Electron ki form me hote hai or Electron ki Double Spinn Position ke karan QBITS ek saath 0 and 1 ki value show karte hai.

Ise hum or saral tarike se samajhne ki koshish karte hai!!
Jaise 0 ko hum OFF Condition maan lete hai or 1 ko hum ON Condition maan lete hai. To yaha Classic Computer 0 ko OFF samjhega or 1 ko On samjhega.
Lekin Quantum Computer me esa nahi hota hai. Quantum Computer ek samay me 0 ko OFF and ON dono samajh sakta hai. Isi tarah 1 ko bhi ON and OFF samajh sakta hai. So Quantum Computer me Processing Double ho jati hai.

Jaisa ki humne dekha ki 1 QUBIT Double kaam kar sakti hai 1 BIT ki tulna me. Normal Classic Computer me 4 BITS dwara hume alag – alag combination ke 16 result prapt hote hai.
For Example-                   0000          0100          1000          1100
                                      0001          0101          1001          1101
                                      0010          0110          1010          1110
                                      0011          0111          1011          1111
Classic computer ek samay me inme se koi bhi ek result hi le sakta hai. lekin Quantum Computer in sabhi result par ek saat kaam kar sakta hai. Iska matlab yeh hua ki yeh computer ek saath multiple kaam kar sakta hai.

Quantum Computer me 4 Bits dwara 16 combination alag – alag  na hokar ek saath show hote hai. Is prakar agar QUBIT ki sankhya badate jaye to 20 QUBITS se 10 lakh result ek second me hi prapt ho jayenge. Agar hum 2048 QUBITS factors ki calculation kare to iske liye hume kayi saal lag jayenge, but Quantum Computer se ye kaam sirf 1 minute me calculate kar sakte hai.

Konsa Computer jyada fast hai, Classic Computer ya Quantum Computer ?

Dosto, Har ek Computer ko special porpose ke liye hi banaya jata hai. Isliye sabhi computer har ek task ko alag - alag time me complete karte hai. isko hum kuch examples se samjhne ki koshish karte hai. 
Jaise ki- maan lijiye yadi hum 1 GB ki video file ko convert karna chahte hai to Classic Computer ise karne me 1 minute ka time leta. hai. Vahi Quantum Computer ko ye kaam karne me 1 minute se thoda jyada time lag jayega. Kyunki ese kaam me Qunatom Computer thoda slow ho jayega.


Ab baat karte hai ki Quantum Computer kin mayeno me sabse jyada fast hai? To iske liye dusra example late hai-
Yadi hum 1 GB ki 50,000 Video Files ko ek sath convert karna chahte hai to is kaam ko poora karte - karte Classic Computer shayad khud hi khatm ho jaye, lekin Quantum Computer is kaam ko kuch hi seconds me complete kar dega. Iska matlab ye hai ki Quantum Computer ko ek saath bahut sare kaam karne ke liye baanaya gaya hai  na ki ek kaam karne ke liye.

Quantum Computer ka use kaha ho sakta hai?

Quantum Computer ka behtar use janne ke liye hum Weather Forecasting(mousam ki jaankari dena) ka example lete hai. Jaise ki-
India me sabhi chote bade Cities ka mousam ka haal pata lagana hai to iske liye India ke sabhi Cities ka Weather Data lena padega. Or ye Data bahut jyada bada hoga. Ese Big Data ko analyze karne ke liye ek sath process karna padega. Ab yaha par Quantum Computer data ko process karne ke liye kayi chote - chote tukdo me devide kar lega. Isliye poore data ki ek sath processing hoti hai or iska result kuch hi seconds me samne aa jayega.

Dosto jaisa ki aap sab jante hi hai ki Weather Forecasting me time kitna important hota hai . kyunki yadi ye kaam Classic Computer se kiya jaye to usme Data Processing me bahut jyada time lag jayega or jab tak result sammne aaye to shayad Mousam ka haal hi change ho jaye. Yesi condition me Weather Forecasting me galat Data show hoga jisse logo ko mousam ki galat jankari milegi.

Quantum Computer ka use Space Exploration, Robot Science, Medical Research, Research Projects, Advance Gaming, Servers, Weather Forecasting or New Technological Research me kiya jaa sakta hai. 

At Last:
Is post me mene aapko bataya ki Quantum Computer kya hai, ye kaise kaam karta hai, or iska kya use ho sakta hai. I hope ki aapko is article se acchi jankari mili hogi. Is post ko apne dosto ke saath jaroor share kare taki unhe bhi yesi jankari prapt ho sake. Or agar apke is post se related koi sawal ya sujhav ho to please hume jaroor comment karke bataye.

Thanks for visit here...

Ye Bhi Pade:

         # Mobile ki Battery Life Kaise Badaye?